ՀՀ ֆինանսների նախարարությունը, Համաշխարհային բանկի աջակցությամբ, հուլիսի 14-ից 16-ը ք. Ծաղկաձորում անցկացրեց «Նախարարության ապագայի պատկերը» խորագրով արտագնա աշխատանքային հավաք՝ նախարարի, նախարարի տեղակալների, գլխավոր քարտուղարի և ստորաբաժանումների ղեկավարների մասնակցությամբ:
Միջոցառման նպատակն էր նախարարության ռազմավարական նշանակության հարցերի վերաբերյալ մասնակցային քննարկում ապահովելը, գալիք երեք տարիների համար հստակ ուղղությունների ձևակերպումը, ինչպես նաև մի շարք առանցքային հարցերի շուրջ պատկերացումների ներդաշնակեցումը:
Եռօրյա քննարկումների արդյունքում քննարկվել, ներկայացվել և մշակվել է.
- առաքելությունը, արժեքները և ռազմավարական ուղղությունները
- կազմակերպական մշակույթի ազդեցությունը ռազմավարության ներդրման հաջողության համատեքստում
- կոմպետենցիաները որպես ռազմավարական պլանի իրագործման կարևորագույն բաղադրիչ
Բացի այդ, կարևոր քննարկում ծավալվեց ԿՖԿՏՀ-ի (կառավարության ֆինանսների կառավարման տեղեկատվական համակարգ) ներկա փուլի և հետագա անելիքների մարտահրավերների շուրջ և ներկայացվեցին մշակման գործընթացի կազմակերպման արդյունավետ փորձերը Համաշխարհային բանկի խմբի կառավարման ավագ մասնագետ Խուրամ Ֆարուքի կողմից:
