Հայաստանի Հանրապետության ֆինանսների նախարար Վահե Հովհաննիսյանն Ազգային ժողովում ներկայացրել է «Հայաստանի Հանրապետության 2024 թվականի պետական բյուջեի մասին» օրենքի նախագծի լրամշակված տարբերակը:
2024 թվականի պետական բյուջեի մասին նախագծի փոփոխված տարբերակով նախատեսվել են 2 տրլն 723 մլրդ դրամ եկամուտներ:
Առաջին ընթերցմամբ նախատեսված 3 տրլն 17 մլրդ ծախսերի փոխարեն նախատեսվել է 3 տրլն 206 մլրդ դրամ:
Կապիտալ ծախսերը կկազմեն մոտ 695 մլրդ դրամ. դրանք ավելի քան 27 տոկոսով կգերազանցեն 2023թ. պետական բյուջեով սահմանված կապիտալ ծախսերին:
2024թ. կապիտալ ծախսերը կկազմեն ՀՆԱ-ի 6.6 տոկոսը՝ 2023-ի նկատմամբ աճելով 0.7 տոկոսով:
2024թ. կապիտալ ծախսերի 42 տոկոսն ուղղվելու է պաշտպանության ոլորտի: Բյուջեի դեֆիցիտը նախնական տարբերակի համեմատ կավելանա շուրջ 142 մլրդ դրամով և կկազմի շուրջ 483 մլրդ դրամ կամ ՀՆԱ-ի 4.6 տոկոսը:
Պարտք-ՀՆԱ հարաբերակցությունը չի փոխվի և կկազմի 48.3 տոկոս:
Նախարարի ելույթը՝ ստորև
