Օգոստոսի 13-ին կառավարությունում վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է ՀՀ 2024թ. առաջին կիսամյակի պետական բյուջեի կատարման ընթացքը:
Ներկայացվել է բյուջեի կատարման վերաբերյալ հաշվետվություն՝ անդրադառնալով 2024թ. մակրոտնտեսական ընթացիկ զարգացումներին, պետական բյուջեի արդյունավետ իրականացման հիմքերին և պլանավորման աշխատանքների բարելավման ուղղություններին: Անդրադարձ է կատարվել նաև պետական բյուջեի վերաբաշխումների և ՀՀ կառավարության պահուստային ֆոնդից հատկացումների վերաբերյալ նախագծերին:
Խորհրդակցության մասնակիցները քննարկում են ծավալել ներկայացված հաշվետվության շուրջ, դիտարկումներ կատարել որոշ հարցերի վերաբերյալ: Կարևորվել է պետական բյուջեի՝ պատշաճ մակարդակով կատարումը և նախատեսված կապիտալ ու ընթացիկ ծախսերի, պետական առաջնահերթություն հանդիսացող ծրագրերի իրականացումը:
