04.07.2023
Պետությունը եկամտահարկից կվերադարձնի քաղաքացու կրթական, առողջապահական ծախսերի մի մասը
Հայտարարագրման համակարգի ներդրմանը զուգահեռ, ներդրվել է նաև «սոցիալական ծախսերի» համակարգ, որի շրջանակներում հայտարարատուները հնարավորություն են ստանալու եկամտային հարկի գումարներից հետ ստանալ իրենց կամ իրենց ընտանիքի անդամների համար կատարված՝
- առողջապահության,
- կրթության և
- բնակարանային ապահովության գծով ծախսերը:
Նախագծով սահմանվում են սոցիալական ծախսերի տեսակների առանձին ուղղությունները, ընտանիքի անդամների շրջանակը և փոխհատուցման առավելագույն չափերը:
- Ֆիզիկական անձի ընտանիքի անդամներ են համարվում նրա ամուսինը, ծնողները և զավակները (որդեգրողներն ու որդեգրվածները):
- Առողջապահության գծով սոցիալական ծախսեր են համարվում ՀՀ-ում գործող ապահովագրական ընկերություններից առողջության ապահովագրական փաթեթի ձեռք բերման ծախսերը:
Առաջարկվում է այս ուղղությամբ սոցիալական ծախսի առավելագույն չափ սահմանել տարեկան 50.000 դրամը:
- Կրթության գծով սոցիալական ծախսեր են համարվում ՀՀ-ում իրականացվող կրթության բոլոր մակարդակների (նախադպրոցական, միջնակարգ, արհեստագործական, բարձրագույն և հետբուհական մասնագիտական) կրթական ծրագրերի մասով կատարված ուսման վճարները:
Առաջարկվում է այս ուղղությամբ սոցիալական ծախսի առավելագույն չափ սահմանել տարեկան 100.000 դրամը:
Ֆինանսների նախարարի տեղակալ Արման Պողոսյանը ներկայացրել է ծրագրի մանրամասները։
Հարցազրույցն ամբողջությամբ` այստեղ
