ԹԵԺ ԳԻԾ
Տեղի է ունեցել եկամուտների քաղաքականության կատարելագործման խորհրդի հերթական նիստը
18.02.2022
Տեղի է ունեցել եկամուտների քաղաքականության կատարելագործման խորհրդի հերթական նիստը

Փետրվարի 18-ին տեղի է ունեցել եկամուտների քաղաքականության կատարելագործման խորհրդի հերթական նիստը առցանց ձևաչափով:

Նիստին մասնակցել են ՀՀ ֆինանսների նախարարության, էկոնոմիկայի նախարարության, Պետական եկամուտների կոմիտեի ներկայացուցիչներ, Ազգային Ժողովի տնտեսական հարցերի մշտական հանձնաժողովի ներկայացուցիչներ, հասարակական կազմակերպությունների և խորհրդակցական ձայնի իրավունքով խորհրդի կազմում ընդգրկված միջազգային խորհրդատվական կազմակերպությունների ներկայացուցիչներ:

Խորհրդի նախագահ ՀՀ ֆինանսների նախարար Տիգրան Խաչատրյանն իր խոսքում կարևորել է եկամուտների քաղաքականությանը վերաբերող հարցերը խորհրդի շրջանակում քննարկելու անհրաժեշտությունը: Նախարարը, վկայակոչելով ՀՀ կառավարության 2021-2026թթ. ծրագրի հիմնական սկզբունքներից մեկը, ընդգծել է, որ հարկային քաղաքականության մեջ ցանկացած փոփոխություն նախաձեռնելիս անհրաժեշտ է հաշվի է առնել դրա ազդեցությունը բիզնես միջավայրի և դրա մրցունակության վրա:

Նիստի ընթացքում ՀՀ ֆինանսների նախարարի տեղակալ Արման Պողոսյանը ներկայացրել է հարկային բարեփոխումների հիմնական նպատակադրումները, այդ թվում՝ հարկային եկամուտների կառուցվածքը և հարկային ծախսերը, կապիտալի շուկայի զարգացման նպատակով հարկման կարգավորումները և այլն:

Նիստի մասնակիցները հայտնել են իրենց պատրաստակամությունը շարունակել քննարկումները՝ գնահատելով առաջարկվող փոփոխությունների ազդեցությունը:

Նորություններ  ➤

Նորության նկար

Կառավարությունը հաստատեց 2023-2025 թթ. պետական միջնաժամկետ ծախսային եւ 2022-2026 թթ. պարտքի բեռի նվազեցման ծրագրերը

Հարցը ներկայացրել է Ֆինանսների նախարար Տիգրան Խաչատրյանը եւ նշել, որ 2023-2025 թթ. պետական միջնաժամկետ ծախսերի ծրագիրը կառուցված է ՀՀ կառավարության 2021-2026 թթ գործունեության ծրագրով սահմանված նպատակների եւ քաղաքականությունների առաջնահերթություններին համապատասխան եւ...

Նախաձեռնություններ  ➤

Նորության նկար

Հայտարարություն՝ ներքին աուդիտորների մասնագիտական վերապատրաստման դասընթացների վերբերյալ

ՀՀ ֆինանսների նախարարությունը տեղեկացնում է, որ 2022 թվականի հունիսի 13-ից սկվելու են ՀՀ հանրային հատվածի որակավորում ունեցող ներքին աուդիտորների շարունակական մասնագիտական վերապատրաստման դասընթացները:

Հայտարարություններ  ➤

Նորության նկար

ՖՆ կողմից կնքված պայմանագրի և հաշիվ վավերագրերի վերաբերյալ

  • Էլեկտրական սարքերի, սարքավորումների վերանորոգման և պահպանման ծառայությունների մատուցման պայմանագիր
  • Ապրանքների առաքման հաշիվ...