27.06.2024
Վահե Հովհաննիսյանն ընդունել է Բեռլին Էքոնոմիքսի ներկայացուցիչներին
Հունիսի 27-ին ՀՀ ֆինանսների նախարար Վահե Հովհաննիսյանը հանդիպում է ունեցել Գերմանական տնտեսական թիմի, Բեռլին Էքոնոմիքս անկախ խորհրդատվական ընկերության գործադիր տնօրեն Ռիկարդո Ջիուչիի հետ:
Բեռլին Էքոնոմիքսի ներկայացուցիչները հանդիպման ընթացքում ներկայացրել են խորհրդատվական ընկերության գործունեության ոլորտը, իրականացված ծրագրերի որոշ մանրամասներ, ինչպիսիք են` մեքենաների վերաարտահանման հետ կապված ֆինանսների նախարարության հետ ունեցած համատեղ սեմինարը և այլն:
Նախարար Հովհաննիսյանը կարևորել է խորհրդատվական որակյալ ծառայության մատուցումը և հույս հայտնել, որ տարբեր մակարդակներում իրականացվող քննարկումների արդյունքում կբացահայտվեն ընկերության հետ համագործակցության ընդլայնման հնարավորությունները:
