ՀՀ Ֆինանսների նախարարությունը 2020 թվականից նախաձեռնել է կառավարության ֆինանսների կառավարման տեղեկատվական համակարգի (ԿՖԿՏՀ) ներդրման գործընթաց՝ նպատակ հետապնդելով ՊՖԿ հիմնական գործընթացների թվայնացման ճանապարհով բարձրացնել հանրային ֆինանսների կառավարման արդյունավետությունը, որակը և թափանցիկությունը, ՊՖԿ համակարգի հաշվետվողականությունը:
ԿՖԿՏՀ ներդրման նպատակով 2021թ., Ֆինանսների նախարարությունը, մրցույթային կարգով ներգրավել է խորհրդատվական կազմակերպություն («Հարմոնիա» հիմնադրամ), որի հետ համատեղ աշխատանքի արդյունքում ուսումնասիրվել և գույքագրվել են ԿՖԿՏՀ 6 մոդուլների բիզնես գործընթացները մասնավորապես, Բյուջետավորում, Գանձապետարան, Հանրային հատվածի հաշվապահական հաշվառում, Պետական գնումներ, Պետական պարտք և Ներքին աուդիտ:
Դրա հիման վրա մշակվել է ԿՖԿՏՀ նոր ամբողջական կոնցեպտ՝. օպտիմալացվել են բոլոր մոդուլների բիզնես գործընթացները, դրանց միջև կապերը և տվյալների փոխանակումները:
Այսուհետ՝ ԿՖԿՏՀ նոր կոնցեպտի հիման վրա մշակվել է ԿՖԿՏՀ ներդրման ծրագրային ապահովման ձեռքբերման Տեխնիկական առաջադրանքի նախագիծը:
2023թ. հունիսից ֆինանսների նախարարությունը իրականացնում է առաջիկա մրցույթի պոտենցիալ հայտատուների շուկայի ուսումնասիրություն և վերլուծություն, նպատակ ունենալով հասկանալ և հաշվի առնել առաջիկա մրցույթով գործնականում հետաքրքրված IT ընկերությունների քանակը, կարողությունների մակարդակը, փորձը և տրամադրվածությունը, ձգտում է հասնել մրցույթի հնարավոր մասնակիցների կողմից ԿՖԿՏՀ Տեխնիկական առաջադրանքի նախագծի հնարավորինս խոր ընկալմանը:
Մասնավորապես, առաջիկա մրցույթի թափանցիկ, որակյալ և արդար պայմաններ ապահովելու նպատակով ԿՖԿՏՀ մշակման և ներդրման վերաբերյալ նախարարությունը կապեր է հաստատում և պահպանում տեղական և միջազգային խոշոր ՏՏ ընկերությունների հետ՝ ձգտելով նրանց տեղեկացնել նշված մրցույթի կազմակերպման, հնարավոր մասնակցության և համագործակցության մասին:
ԿՖԿՏՀ-ի շուրջ առաջացած Ձեր հարցերը խնդրում ենք հղել հետևյալ էլ. հասցեին՝ secretariat.gfmis@minfin.am, որոնց պատասխանները հասանելի են / կլինեն ՖՆ պաշտնական կայքէջի «ԹՎԱՅԻՆ ՕՐԱԿԱՐԳ» բաժնի «Հարցեր ու պատասխաններ» տիրույթում:
Կառավարության ֆինանսների կառավարման տեղեկատվական համակարգի (ԿՖԿՏՀ) տեխնիկական առաջադրանք
Թարմացվել է՝ 09.01.2024թ.
