Ֆինանսների նախարարությունում «Երեխաների պաշտպանության միջազգային օրվա» կապակցությամբ հունիսի 2-ին կազմակերպվել է հանդիպում-զրույց նախարարության աշխատակիցների՝ մայրերի և հայրերի ու քաղաքագիտության ամբիոնի վարիչ, հոգեբանական գիտությունների թեկնածու, ընտանեկան հոգեթերապիայի Եվրոպական ասոցիացիայի անդամ, դոցենտ, դիպլոմավորված գեշտալտ թերապևտ Լաուրա Պետրոսյանի միջև:
Հանդիպման նպատակն էր մասնակիցներին ծանոթացնել ժամանակակից պայմաններում երեխա-ծնող փոխհարաբերություններում հավասարակշռությունը պահպանելու, զարգացնելու, արդյունավետ որոշումներ կայացնելու, անորոշ իրադրությունները հաղթահարելու առանձնահատկություններին, ինչպես նաև երեխա-ծնող փոխհարաբերություններում ձևավորել սթրեսները, կոնֆլիկտները հաղթահարելու հմտություններ:
Հանդիպման ընթացքում Նախարարության աշխատակիցները հնչեցրել են իրենց հուզող հարցերը և ձեռք բերել ծնող-երեխա առողջ փոխհարաբերությունների կառուցման ու ամրապնդման հմտություններ:
