ՀԱՅՏԱՐԱՐՈՒԹՅՈՒՆ
Հինգշաբթի 12 դեկտեմբերի, 2024 թվական
Մասնագիտական պաշտոնների 6-րդ ենթախմբի թափուր պաշտոնը համալրելու համար մրցույթ հայտարարելու մասին
Հայաստանի Հանրապետության ֆինանսների նախարարությունը հայտարարում է մրցույթ՝ ֆինանսների նախարարության քարտուղարության փաստաթղթերի հսկողության և արձանագրային բաժնի մասնագետի (ծածկագիրը՝ 25-33.5-Մ6-3) քաղաքացիական ծառայության թափուր պաշտոնը զբաղեցնելու համար և վարկանիշային ցուցակի համապատասխան համարներում գրանցված անձանց հրավիրում է հարցազրույցի, որը տեղի կունենա 2024 թվականի դեկտեմբերի 20-ին ժամը 15։00-ին ֆինանսների նախարարության վարչական շենքում (Հայաստան, ք. Երևան, Կենտրոն վարչական շրջան, Մելիք-Ադամյան 1):
1.Անձնագիր (ՀԾ համարանիշ) կամ նույնականացման քարտ
2.Աշխատանքային գործունեությունը հավաստող փաստաթուղթ՝ (առկայության դեպքում)
3.Արական սեռի անձինք՝ նաև զինվորական գրքույկ կամ դրան փոխարինող ժամանակավոր զորակոչային տեղամասին կցագրման վկայական կամ համապատասխան տեղեկանք:
Հարցազրույցի փուլը անցկացվելու է «Հարցարան» ձևաչափով:
Հիմնական աշխատավարձը կազմում է՝ 139.776 (մեկ հարյուր երեսունինը հազար յոթ հարյուր յոթանասունվեց) Հայաստանի Հանրապետության դրամ:
Նշված պաշտոնին հավակնող անձը պետք է լինի բարեկիրթ, պարտաճանաչ, հավասարակշռված, ունենա նախաձեռնողականություն և պատասխանատվություն ստանձնելու կարողություն:
Քաղաքացիական ծառայության նշված թափուր պաշտոնի անձնագրի և մասնագիտական գիտելիքների շրջանակը սահմանելու մասին հրամանի էլեկտրոնային օրինակները կցվում են։
Աշխատավայրի հասցեն ՝ Հայաստան, ք. Երևան, Կենտրոն վարչական շրջան, Մելիք-Ադամյան 1:
Վարկանիշային ցուցակում գրանցված անձանց հարցազրույցի հրավիրելու համար տեղեկացնելու վերջնաժամկետի օրն է 2024 թվականի դեկտեմբերի 17-ը:
Անհրաժեշտ տեղեկությունների համար կարող եք զանգահարել 011-800-104 հեռախոսահամարով կամ ուղարկել հաղորդագրություն mariam.ter-hovhannisyan@minfin.am էլեկտրոնային փոստի հասցեին:
