Ֆինանսների նախարարի տեղակալ Ավագ Ավանեսյանի, նախարարի խորհրդական Արմեն Գևորգյանի և ՖՆ գնումների քաղաքականության վարչության պետ Սերգեյ Շահնազարյանի գլխավորությամբ այսօր կայացել է գնումների էլեկտրոնային համակարգի տեխնիկական առաջադրանքի նախագծի քննարկումը կառավարությանը ենթակա մարմինների և տեղական ինքնակառավարման մարմինների ներկայացուցիչների հետ:
ՖՆ ներկայացուցիչները ներկայացրել են պետական ֆինանսների կառավարման համակարգի բարեփոխումների ռազմավարության պահանջների համատեքստում ծրագրի իրագործման և ներդրման բուն նպատակը, որի շրջանակներում նախատեսվում է իրականացնել տվյալների հավաքագրում, թվայնացում և ինտեգրում տարբեր համակարգեր: Նախատեսվում է իարկանացնել նաև շահագրգիռ կողմերի փոխհամագործակցության ավտոմատացում:
Քննարկման ընթացքում անդրադարձ է կատարվել գնումների գործող համակարգի շահագործման ընթացքում առաջացած խնդիրներին, ինչպես նաև հնչել են նոր աշխատանքային գործիքի հետ կապված հետագա գործընթացներում խոչընդոտները վերացնելուն ուղղված առաջարկներ:
