ՀԱՅՏԱՐԱՐՈՒԹՅՈՒՆ
Սոցիալական ծրագրերի բյուջետային գործընթացի կազմակերպման վարչությունում փորձագետ ներգրավելու վերաբերյալ
Ծրագրով նախատեսված աշխատանքների համառոտ նկարագիրը՝
Հայաստանի Հանրապետության ֆինանսների նախարարության սոցիալական և առողջապահական ոլորտների բյուջետային ծրագրավորման կազմակերպման բնագավառում Հայաստանի Հանրապետության օրենսդրությամբ Հայաստանի Հանրապետության ֆինանսների նախարարությանը վերապահված լիազորությունների լիարժեք և արդյունավետ իրականացման ուղղությամբ վերլուծությունների և կանխատեսումների իրականացում:
Փորձագետը նախատեսվում է ներգրավել պայմանագիր կնքելու օրվանից մեկ տարի ժամկետով։
Փորձագետի պարտականությունները՝
- բյուջետային գործընթացի շրջանակներում համապատասխան գործառույթների իրականացում, (պետական կառավարման մարմինների պետական միջնաժամկետ ծախսերի ծրագրի (ներառյալ բյուջետային ֆինանսավորման) հայտերի կազմման և անհրաժեշտ հաշվարկների կատարման համար մեթոդական ցուցումների մշակման աշխատանքներին մասնակցություն, սոցիալական և առողջապահական գծով ոլորտային նախարարությունների կողմից իրականացվող «1202 Ոչ վարակիչ հիվանդությունների բժշկական օգնության ապահովում», «1207 Սոցիալապես անապահով և առանձին խմբերի անձանց բժշկական օգնություն» և «1208 Վարակիչ հիվանդությունների կանխարգելման ծրագիր» ծրագրերի գծով ներկայացված բյուջետային ֆինանսավորման հայտերի վերլուծություն, Հայաստանի Հանրապետության պետական բյուջեի ելքերի ֆինանսական ծրագրավորում և բյուջետային փաթեթի ամբողջական փաստաթղթի ամփոփում ու ներկայացում և այլն).
- Հայաստանի Հանրապետության պետական բյուջեով նախատեսվող Հայաստանի Հանրապետության կառավարության պահուստային ֆոնդից, Հայաստանի Հանրապետության կառավարության և վարչապետի որոշումներով իրականացվող հատկացումների, ինչպես նաև Հայաստանի Հանրապետության օրենսդրությամբ սահմանված կարգով Հայաստանի Հանրապետության պետական բյուջեով նախատեսված հատկացումների վերաբաշխումների կատարման վերաբերյալ առաջարկությունների ներկայացում.
- առողջապահության համապարփակ ապահովագրության համակարգի ներդրման համար անհրաժեշտ նախապատրաստական աշխատանքների, այդ թվում հաշվարկների, մեխանիզմների ուսումնասիրության արդյունքում եզրակացության տրամադրում.
- միջազգային կազմակերպությունների, պետական կառավարման մարմինների, Նախարարության այլ ստորաբաժանումների գրություններում բարձրացվող տարբեր հարցերի, ինչպես նաև ստացված իրավական ակտերի նախագծերի, առաջարկությունների, եզրակացությունների, այլ փաստաթղթերի (տեղեկանքներ, հաշվետվություններ, զեկուցագրեր և այլ գրություններ) ներկայացման, արտաբյուջետային միջոցների գոյացման և տնօրինման նախահաշիվների ցուցանիշների վերաբերյալ առաջարկությունների մշակման աշխատանքների իրականացում:
Փորձագետին ներկայացվող պահանջները՝
- բարձրագույն կրթություն տնտեսագետի առնվազն բակալավրի որակավորմամբ,
- առնվազն երկու տարվա հանրային ծառայության ստաժ կամ երեք տարվա մասնագիտական աշխատանքային ստաժ կամ տնտեսագիտության բնագավառի առնվազն երեք տարվա աշխատանքային ստաժ,
- իր լիազորությունների հետ կապված անհրաժեշտ իրավական ակտերի իմացություն («Հայաստանի Հանրապետության բյուջետային համակարգի մասին», «Գանձապետական համակարգի մասին», «Բնակչության բժշկական օգնության և սպասարկման մասին», «Պետական կառավարման համակարգի մարմինների մասին» օրենքներ),
- թիմային աշխատանքի ունակություն,
- տեղեկատվության հավաքագրման, վերլուծության և կառավարման ունակություն,
- տնտեսական վերլուծությունների և հետազոտությունների իրականացման ունակություն,
- հաշվետվությունների ու շնորհանդեսների կազմման և ներկայացման ունակություն,
- համակարգչային ծրագրերի իմացություն (MS Office, Excel, PowerPoint):
Փաստաթղթերն ընդունվում են 2024 թվականի ապրիլի 22-ից մինչև ապրիլի 26-ը ներառյալ՝ աշխատանքային օրերին՝ ժամը 10։00-ից 12։30-ը և 14։30-ից 16։30-ը։
Աշխատանքի վայրը՝ Հայաստանի Հանրապետության ֆինանսների նախարարություն, էլ. փոստ secretariat@minfin.am:
Պաշտոնի նշանակելու իրավասություն ունեցող պաշտոնատար անձի կողմից ընտրություն կատարելու եղանակներն են՝
- Դիմում ներկայացրած քաղաքացիների փաստաթղթերի ուսումնասիրությունը.
- Հարցազրույցը։
Դիմող Հայաստանի Հանրապետության քաղաքացիները բնօրինակների հետ պետք է ներկայացնեն հետևյալ փաստաթղթերը`
- Դիմում գլխավոր քարտուղարի անունով (ձևը լրացվում է տեղում).
- Հայտարարություն (ձևը լրացվում է տեղում) Հայաստանի Հանրապետության կառավարության 2018 թվականի օգոստոսի 2-ի«Առանձին խնդիրների իրականացման համար պետական մարմինների կողմից փորձագետի ներգրավման կարգը և դեպքերը սահմանելու մասին» N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին.
- Տվյալ պաշտոնը զբաղեցնելու համար մասնագիտական գիտելիքների և աշխատանքային ունակություննների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի(ների), վկայականի(ների)պատճենները.
- Արական սեռի անձինք` նաև զինգրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենը կամ համապատասխան տեղեկանք.
- Աշխատանքային գրքույկի (գրքույկի բացակայության դեպքում աշխատանքային գործունեության վերաբերյալ տեղեկանք(ներ) կամ այլ փաստաթուղթ(եր) համապատասխան մարմնից(ներից)՝ ըստ պաշտոնների) պատճենը.
- Անձնագրի և հանրային ծառայության համարանիշը հավաստող (նույնականացման քարտի) փաստաթղթերի պատճենները.
- Մեկ գունավոր լուսանկար` 3x4 սմ չափսի:
Դիմումները ներկայացնել անձամբ՝ հետևյալ հասցեով 0010, ք. Երևան, Մելիք Ադամյան 1, 104 սենյակ հեռ.` 011800104:
